- Domain - ISNIC

Lækkun á léngjöldum léna með íslenskum sérstöfum, IDN lénum.
by Helgi Jonsson 17 May '05

17 May '05

Stjórn ISNIC hefur ákveðið að lækka verulega gjöld vegna stofnunar og endurnýjunar á lénum með sérstöfum í þeim tilfellum er sami aðili skráir lén stafsett bæði með og án íslenskra sérstafa. Við skráningu á léni með íslenskum sérstöfum er kannað hvort sami aðili hafi þegar skráð "tilsvarandi" lén án íslenskra sérstafa. Með "tilsvarandi" er átt við lén sem til verður þegar séríslenskir stafir IDN lénsins eru umritaðir skv eftirfarandi töflu: þ -> th á -> a í -> i æ -> ae é -> e ó -> o ö -> o ý -> y ð -> d ú -> u Ef lénið sem þannig er myndað úr léni með séríslenskum stöfum er skráð á sama rétthafa er veittur 90% afsláttur af bæði stofngjaldi og árgjaldi. Gjaldskrá vegna stofnunar og endurnýjunar léna frá og með 17. maí 2005. Stofngjald Vegna stofnunar á léni. Innifalið í stofngjaldi er árgjald fyrsta árið. a) Stofngjald léns án sérstafs, áéðíóúýþæö, er kr. 12.450.- b) Veittur er 50% afsláttur vegna skráningar á léni sem inniheldur sérstaf, stofngjald með 50% afslætti er kr. 6.225,- c) Veittur er 90% afsláttur vegna skráningar á léni með sérstöfum ef rétthafi léns er þegar skráður rétthafi tilsvarandi léns án íslenskra stafa, stofngjald með 90% afslætti er kr. 1.245,- Árgjald Árlegt endurnýjunargjald vegna léns. a) Árgjald léns án sérstafs, áéðíóúýþæö, er kr. 7.918,- b) Veittur er 50% afsláttur af árgjaldi léns sem inniheldur sérstaf, árgjald með 50% afslætti er kr. 3.959,- c) Veittur er 90% afsláttur af árgjaldi léns með sérstöfum ef rétthafi léns er þegar skráður rétthafi tilsvarandi léns án íslenskra stafa, árgjald með 90% afslætti er kr. 792,- -- Helgi Jonsson, framkvæmdastjóri (Manager) hjons(a)isnic.is Internet Iceland - ISNIC Taeknigardur phone +354-525-4950 Dunhagi 5 fax +354-561-0999 IS-107 Reykjavik Iceland homepage www.isnic.is

1 0

Af gefnu tilefni -- Fréttatilkynning
by Marius Olafsson 11 Apr '05

11 Apr '05

Eftirfarandi er texti fréttatilkynningar frá ISNIC til fjölmiðla vegna umræðu um skráningu léna með séríslenskum stöfum (IDN léna). Allar ábendingar vel þegnar ... -- Marius ----------------------------------------------------------------------- Um skráningu léna hjá ISNIC Meginregla við skráningu léna hjá ISNIC er "fyrstur kemur, fyrstur fær". Reglan er óháð hver á í hlut eða hvaða lén sótt er um. Þessi aðferð er notuð af öllum skráningaraðilum í heiminum þar sem skráning léna er rafræn. Skráning léna með sérstöfum Snemma árs 2003 var lokið við stöðlun á úfærslu á skráningu léna með sérþjóðlegum stöfum. ISNIC hóf umræður um hvernig upptaka þessara staðla færi fram hér á landi snemma árs 2004. Niðurstaðan var sú að ekki verði hjá því komist að innleiða möguleika á sérstöfum í lénum. Opnað var fyrir skráningu 1. júlí 2004 þó þannnig að eigendum léna án sérstafa var gefinn kostur á að skrá "tilsvarandi" lén með sérstöfum með forgangi til 31. des 2004. Eftir þann tíma félli allur slíkur forgangur niður. Skráning léna með sérþjóðlegum stöfum var innleidd í nágrannalöndum okkar á svipuðum tíma; þó allstaðar án slíks forgangstímabils. Með sérstöfum er átt við stafina áéíóúýþæðö Notkun léna með sérstöfum Athygli er vakin á að lén sem innihalda sérstafi hafa enn sem komið er mjög takmörkuð not. Ástæðun má rekja til þess að lén með sérstafi eru ekki skráð á sama hátt í lénnafnakerfi netsins (DNS) og lén án sérstafa. T.d. er lénið "veiðihundar.is" skráð í lénnafnakerfið sem "xn--veiihundar-k9a.is". Hér er um að ræða svokallaða ACE umritun lénsins "veiðihundar.is". Lénið "veiðihundar.is" er aðeins þekkt sem lénið "xn--veiihundar-k9a.is" í lénnafnakerfi netsins. Það er alfarið á ábyrgð notenda og forrita þeirra að umrita lénnafnið "veiðihundar.is" í "xn--veiihundar-k9a.is" áður en uppfletting í lénnafnakerfi netsins fer fram. Þessi umritun er ekki komin í allan hugbúnað sem notaður er. Þess vegna er notkun léna sem innihalda sérstafi enn mjög takmörkuð. Þó nokkrir vafrar hafi þegar þessa umritun þá vantar enn stuðning við notkun léna með sérstafi í netföng í flestan hugbúnað. Ekki er vitað hvenær fullur stuðningur við lén með sérstafi kemur í almennan hugbúnað. Umræða um lén með sérstöfum Í umræðu um úthlutun léna með sérstöfum hefur gætt misskilnings að mati ISNIC. Meginumræðan hefur fjallað um hvernig ISNIC geti, um aldur og ævi, "tekið frá" lén eftir því hvaða stafir eru í lénsheiti léna sem þegar eru skráð. Svo dæmi sé tekið þá hefði ISNIC átt að "taka frá" lénið "rúv.is" vegna þess að lénið "ruv.is" var þegar skráð. Ógöngur Fjölmörg dæmi um ógöngur sem skráning léna myndi lenda í ef ISNIC yrði gert að leggja að jöfnu lénanöfn með og án sérstafa. Hvergi hafa skráningaraðilar farið þá leið að skilgreina slíkt jafngildi enda myndi skráning léna lenda í ógöngum ef reynt væri eins og eftirfarandi dæmi sýna: "Er réttlátt að fyrirtækið Fónn ehf, sem á lénið fonn.is að geta þar með komið í veg fyrir að Þvottahúsið Fönn fái nokkurntíma lénið 'fönn.is'." "Á erlenda flutningafyrirtækið UPS (sem vann lénið ups.is af íslensku auglýsingastofunni ÚPS ehf.) að geta komið í veg fyrir að þetta íslenska fyrirtæki geti nota eigið nafn í léni og skráð úps.is." "Á Ari Pálsson (sem skráir lénið ap.is) að geta komið í veg fyrir að Árni Pétursson sem einnig vill skrá upphafstafi sína áp.is. Getur Þorsteinn sá sem skráir lénið þorsteinn.is komið í veg fyrir að Þórsteinn skrái sitt nafn -- hvaða réttlæti er í því?" Svona mætti lengi telja. Mörg orð fá alveg nýja merkingu við það að setja sérstafina "áéíóúýþæðö" í stað "aeiouythaedo". T.d. verður viti að víti, budda að búdda, bord verður borð eða að börð, par að pár... listinn er sennilega seint tæmandi. Af þessu ætti að vera ljóst að ekki er hægt að byggja reglur varðandi rétt á léni á stöfum í lénsheitinu. Heitið, sem stafirnir mynda, er það sem máli skiptir. Engin tæknileg lausn er til sem nota má til að gera vitrænan greinarmun á lénsheitum eftir því hvaða stafir eru í lénsheitinu. Skráningaraðili getur því ekki skipt sér af lénsheitum ef skráning á annað borð að vera rafræn. Fleiri reglur? Ef reglur um "frátöku" léna með sérstafi væri tekin upp þá þyrfti væntanlega einnig að sjá til þess að "frátaka" gilti einnig í hina áttina, þ.e. þeir sem skrá lén með sérstöfum "taka frá" lén sem hægt er að mynda úr lénsheitinu þegar búið er varpa stöfum úr "áéíóúýþæðö" í "aeiouythaedo". Til samræmis myndu væntanlega koma upp kröfur um að gera y og i jafngild í nöfnum léna og rétthafi t.d. ys.is kæmi í veg fyrir að aðrir geti fengið is.is, ís.is og ýs.is (getur jú ruglast í síma). Sama mætti jafnvel hugsa sér með v og w. Niðurstaða Eina færa leiðin er að láta af allri forræðishyggu í þessum málum og láta menn bera ábyrgð á eigin gerðum í þessu eins og öðru. ISNIC getur ekki ákveðið hvaða aðili á meiri rétt á einstökum lénum en annar. Vilji menn fara að leggja á það mat, þá getur skráning léna ekki lengur verið rafræn og við þurfum að hverfa aftur til kerfis sem við og flest önnur ríki hafa horfið frá á undaförnum árum, þ.e. handvirkt umsóknarkerfi þar sem menn þurfa að bíða, jafnvel dögum saman, eftir að fá lén "skráð". Skráning léna er allsstaðar rafræn, nema í einstaka 3ja heims ríki. Umsækjendur bera ábyrgð á umsóknum og taka því afleiðingum ef notkun þeirra á nöfnum brýtur í bága við lög. Eins og áður segir er engin tæknileg lausn til sem nota má til að gera vitrænan greinarmun á lénsheitum ef aðeins er byggt á stöfum í lénsheitinu. Skráningaraðili getur ekki skipt sér af lénsheitum ef skráning á annað borð að vera rafræn. Ennfremur væri slíkt mat ætíð hlutlægt og því ómögulegt að tryggja jafnt aðgengi að skráningu. Réttlæti og jafnræði aðila minnkar, skriffinnska eykst og menn enda með óréttlátt kerfi.

1 0

Rótarnafnaþjónn á Íslandi
by Marius Olafsson 02 Mar '05

02 Mar '05

Ágætu félagar, Þótt flestir ykkar hafi sennilega frétt nú þegar fannst okkur viðeigandi að láta ykkur vita hér líka. Afsakanir til þeirra sem fá þetta í tveimur eintökum. Í siðustu viku var áralöngu baráttumáli ISNIC loksins landað með uppsetningu á K-rótarþjóni RIPE ("anycast instance") við RIX. Margir af þeim sem tengdir eru RIX hafa þegar gengið frá samtengingu, og aðrir að vinna í því. -- Menn geta notað CAOS RR til að prófa hvar þeirra K-root er niðurkomin: dig +norec @k.root-servers.net chaos txt id.server (sést reyndar líka á ping rtt :-) Læt hér fylgja fréttatilkynningu frá ISNIC/RIPE sem send verður fjölmiðlum í tilefni þessa: -- Marius --------------------------- Fréttatilkynning K-rótarþjónn settur upp á Íslandi. Þann 14. október sl. luku RIPE NCC (Réseaux IP Européens Network Coordination Centre) og Internet á Íslandi hf. (ISNIC) við að setja upp spegileintak ("mirror instance") af einum af rótarnafnaþjónum Netsins. Þetta eintak er sett upp við skiptipunkt íslenskrar netumferðar (RIX - Reykavík Internet Exchange) í Tæknigarði við Dunhaga. Rótarnafnaþjónn K er einn af 13 rótarnafnaþjónum Netsins sem sjá um að vísa uppflettingum léna á Netinu rétta leið. Þessir þjónar eru þannig mikilvægur grunnþáttur í virkni netsamskipta í heiminum. Rótarnafnaþjónarnir mynda miðhluta lénakerfis Netsins (DNS) sem notað er til að varpa nöfnum sem menn nota almennt yfir í hin eiginlegu vistföng á netinu sem tölvur og hugbúnaður nota til að komast leiðar sinnar. K þjónninn í Reykjavík er nýjasta eintakið af þeim sem RIPE NCC hefur sett upp undanfarið. Til að dreifa þessum eintökum um heiminn er notuð ný IP tækni (IP fjölvarp, "anycasting"). Með þessu móti fæst mjög örugg og dreifð tenging, sem er ónæmari fyrir ýmsum tegundum rekstartruflana, heldur en hefðbundnari leiðir til að tryggja rekstraröryggi. Vegna tenginga Íslands við umheiminn, er sérlega mikilvægt fyrir netrekstraraðila hér á landi að hafa greiðan aðgang að a.m.k einum rótarþjóni. Eðli þessarar tækni er þannig að missi menn alveg samband við alla rótarþjóna, verður að lokum einnig erfiðleikum bundið að hafa samband innanlands. ISNIC hefur þvi unnið að undirbúningi þess að fá eintak af rótarþjóni til landsins í tvö ár. K þjónninn varð fyrir valinu og sem fyrr segir lauk þeirri vinnu með uppsetingu hans við RIX. RIPE NCC hefur rekið K þjóninn í London síðan 1997, og síðan 2003 hafa verið sett upp eintök af K í Amsterdam, Frankfurt, Aþenu, Doha og Mílanó, og nú síðast í Reykjavík. Frekari upplýsingar um K rótarþjóninn má finna á http:/k.root-servers.org/, um RIPE NCC á http://ripe.net/, um Internet á Íslandi (ISNIC) á http://isnic.is/ og um Reykjavík Internet Exchange (RIX) á http://rix.is/. ---------------------------

6 9

Re: [Domain] postmaster kröfur vegna léna undir .is
by Kristinn Soffanias Runarsson 28 Feb '05

28 Feb '05

Gott, gilt og gamalt practice imho, en ég var svona að segja það sem mér finnst að *gæti* orðið veruleiki, þeas. ekkert MX record. Amk. sýnist mér þróunin vera orðin sú að menn notist við WHOIS upplýsingar þegar verið er að koma abuse upplýsingum til skila. Flest sjálvirk kerfi sem ég hef komist í tæri við notast við whois, ekki DNS. Varðandi það að þú beinir abuse & postmaster@viðskiptavinur á þig er svo annað dæmi. Fyrir mér er það ólöglegt, nema þú takir það væntanlega fram að þú fáir póst á abuse & postmaster og kannski fleiri netföng hjá þínum viðskiptavin. -soffi- Baldur Gislason wrote: > Reyndar gera mail RFC ráð fyrir því að ef ekkert MX record er fyrir hendi > þá eigi vél sem A recordið fyrir domainið vísar á, að taka við póstinum > ef ég man rétt. > Það gera allar reglur ráð fyrir því að bæði postmaster@domain og abuse@domain > séu alltaf til. > Það er bara standard procedure hjá mér á vefhýsingarþjónunum að búa til > alias fyrir postmaster og abuse á nýjum domainum, sem bendir á postmaster og abuse > hjá hýsingaraðilanum, sem svo aftur eru aliasar á mig. > > Baldur > > On Mon, Feb 28, 2005 at 08:23:17AM +0000, Kristinn Soffanias Runarsson wrote: > >> Miðað við áttina sem þessi umræða er komin út í þá vildi ég benda Svavari á að það er hægt að skrá Role object sem tengilið við (alla afaik) tengiliði léns. >> Varðandi topicið, er ég sammála Guðbirni. Mörg lén sem eru skráð í dag hafa aldrei verið hugsuð til póstsendinga eða móttöku og miðað við magn pósts sem að væri rejectað, þá held að það mætti frekar bara sleppa MX recordi *og málið er dautt* eins og einhver sagði. >> >> kv, >> -soffi- >> >> >> Svavar Lúthersson wrote: >> >> >>> Sælir aftur, >>> >>> "Í því tilviki er varla líklegt að postmaster virki?" >>> - Var að tala um þessi "custom" netföng önnur en postmaster. >>> >>> "Ekkert sem hindrar aðila í að birta postmaster sem tengiliða netfang." >>> - Það sem mér finnst pirrandi er þegar aðilarnir gera það ekki. Hvað er svona erfitt við að stofna postmaster netfang fyrir lénið sem að forwardar síðan póstinum á alla viðkomandi starfsmenn? Þá þarf engu að breyta í whois, Isnic eða öðrum samskiptaleiðum þegar einhver nýr tekur við stöðunni, eingöngu breyta forwardinu á póstþjóninum þegar þarf. Hversu margir eru með það á áætlun sinni að líta yfir whois upplýsingar og breyta þeim ef þörf er á, þegar þeir taka við nýrri stöðu í fyrirtæki? T.d. eru netföngin abuse, www og hostmaster í víðri notkun og ég held að þau reynist ágætlega. Það tekur miklu styttri tíma að breyta forwardi á netfangi en að breyta t.d. whois upplýsingum, vefupplýsingum, tilkynningar til annara starfsmanna og svo framvegis. >>> >>> "Efast um að dns væri rétta leiðin. Whois er þarna einmitt til þess." >>> - Whois er fínt ef að það væri alltaf breytt (sjá að ofan). En þarna var ég að hugsa um sparnaðinn fyrir þig ef þú værir að búa til nýja zone skrá og þurfa bara að skilgreina eina færslu eins og þú nefndir áður og þá þyrftirðu ekkert að skilgreina MX færslu og síðan setja upp póstþjóninn þegar þú getur bara gert eina línu og þetta væri komið. Það væri kannski hægt að setja í staðlanna færslu sem héti "postmaster" og hún væri skilgreind með postmaster@<annað_lén> og öllum postmaster pósti væri beint þangað. >>> >>> Kannski betra að fá álit hinna á listanum áður en við ræðum þetta nánar... >>> >>> Með kveðju, >>> Svavar Lúthersson (svavarl(a)stuff.is) >>> >>> ----- Original Message ----- From: "Guðbjörn S. Hreinsson" <gsh(a)centrum.is> >>> To: "'Svavar Lúthersson'" <svavarl(a)stuff.is>; <domain(a)isnic.is> >>> Sent: Sunday, February 27, 2005 5:54 PM >>> Subject: RE: [Domain] postmaster kröfur vegna léna undir .is >>> >>> >>> >>> >>> >>>> Það er mitt álit, að krafan um postmaster@<lén> sé enn þá réttmæt. Það >>>> gerist stundum að aðrar leiðir eru ekki aðgengilegar, t.d. netföng í whois >>>> eða þau sem finnast á netinu virka alls ekki. Hef tekið eftir því að mörg >>>> fyrirtæki skilgreina oft í whois sérstakan starfsmann sem á að sjá um >>>> tengd mál en þau munu ekkert virka ef að starfsmaðurinn vinnur ekki >>>> lengur fyrir fyrirtækið. >>> >>> >>> >>> Í því tilviki er varla líklegt að postmaster virki? >>> >>> >>>> Álit mitt er því að postmaster@<lén> er því miklu fýsilegra en "custom" >>>> netföng en þó er í lagi að blanda þessu saman og láta t.d. postmaster >>>> forwardast á þá sem sjá um póstinn. Auk þess er alltaf gott að hafa eitt >>>> netfang sem maður veit að virkar í staðinn fyrir að þurfa að fletta því >>>> sífellt upp. Bara til að bæta við umræðuna, þá finnst mér að fyrirtæki >>>> eigi >>>> ekkert að setja netföng starfsmanna beint í whois eða aðrar >>>> samskiptaleiðir, >>>> heldur láta föstu netföngin forwarda póstinum á viðkomandi starfsmann eða >>>> láta alltaf viðkomandi starfsmann fá lykilorðið fyrir póstboxið (sem að er >>>> alltaf breytt eftir að starfsmaður sem hefur aðgang að því hættir hjá >>>> fyrirtækinu). Starfsmenn myndu samt sem áður hafa sér netföng ef fólki >>>> langar að hafa samband við þá beint án afskipta vinnufélaganna. >>> >>> >>> >>> Ekkert sem hindrar aðila í að birta postmaster sem tengiliða netfang. >>> >>> >>>> Hægt væri að forðast að þurfa að setja MX færslu fyrir lén, ef það væri >>>> hægt >>>> að skilgreina í DNS færslu hver sér um jafngildi postmaster fyrir lénið ef >>>> netfangið er undir öðru léni. Sú aðferð myndi samt krefjast breytinga á >>>> núverandi staðli svo best ég veit, en ég efast um að þeir taki þetta inn >>>> bara sí svona. >>> >>> >>> >>> Efast um að dns væri rétta leiðin. Whois er þarna einmitt til þess. >>> -GSH >>> >>> >>> _______________________________________________ >>> Domain mailing list >>> Domain(a)lists.isnic.is >>> http://lists.isnic.is/mailman/listinfo/domain >> >> >> >> _______________________________________________ >> Domain mailing list >> Domain(a)lists.isnic.is >> http://lists.isnic.is/mailman/listinfo/domain >> > >

1 0

Tillögur að breytingum á skráningarreglum .IS léna -- niðurstaða
by Marius Olafsson 07 Dec '04

07 Dec '04

Ágætu félagar, Þar sem ekki hafa komið neinar athugasemdir gegn breytingartillögum þeim sem ykkur voru sendar til umsagnar þann 10 nóvember sl. lítum við svo á að menn séu ánægðir og munum breyta skráningarreglum til samræmis þann 7. janúar 2005. Ekki er búið að ákveða dagsetningu gildistöku á rýmkun reglna um skráningu á vegum erlendra aðila en við lítum svo á að menn séu samþykkir því að rýmka þetta, og munum tilkynna þá breytingu síðar. Eftirfarandi breytingar á skráningarreglum verða því gerðar, og taka gildi frá og með 7 janúar 2005. ------------------------------------------------------------------------ >> 1. Tengiliður rétthafa þarf ekki að vera einstaklingur (þ.e. getur verið "role object"). 2.1. Almennt Umsækjandi sem óskar eftir að fá úthlutað léni gengur frá greiðslu á stofngjaldi léns og sækir síðan um lénið á vef ISNIC. Umsækjandi skal hafa hæfi til þess að skuldbinda sig eða viðkomandi lögaðila í samræmi við gildandi lög á hverjum tíma. Tengiliður rétthafa léns verður að hafa íslenskt ríkisfang. verði 2.1. Almennt Umsækjandi sem óskar eftir að fá úthlutað léni gengur frá greiðslu á stofngjaldi léns og sækir síðan um lénið á vef ISNIC. Umsækjandi skal hafa hæfi til þess að skuldbinda sig eða viðkomandi lögaðila í samræmi við gildandi lög á hverjum tíma. Tengiliður rétthafa léns verður að vera íslenskur lögaðili. >> 2. Rýmkaðar reglur um hvaða tengiliðir mega breyta upplýsingum um lén. Tengilið vegna nafnaþjóna >> verði leyft að breyta nafnaþjónum léns (þ.e. flytja lén). Við kafla 5 bætist grein 5.1 sem hljóði svona: 5.1 Skráður þjónustuaðili getur breytt vistun léna sem hann vistar. >> 4. Skráðir vistunaraðilar geti tilkynnt ISNIC að þeir hafi hætt þjónustu við lén, og >> þar með farið fram á lokun þess. Þar með bætist við þriðja ástæða lokunar léns. Við kafla 8 bætist grein 8.6 Ef þjónustuaðili tilkynnir ISNIC að hann sé hættur þjónustu við ákveðið lén, þá mun ISNIC loka viðkomandi léni, svo fremi að lénið hafi verið tekið niður af nafnaþjónum þjónustuaðila. >> 5 Frestur rétthafa léna, sem ekki er haldið við tæknilega, til að bæta úr áður >> en léni er lokað er breytt úr 14 dögum í 60. Í grein 8.3 breytist "Sé viðvörun ekki sinnt innan 14 daga frá sendingu er léni lokað." í "Sé viðvörun ekki sinnt innan 60 daga frá sendingu er léni lokað." -- Marius Olafsson ISNIC ltd. http://www.isnic.is Taeknigardi +354 525 4747 Dunhaga 5 marius(a)isnic.is Reykjavik ICELAND

1 0

Re: [Fwd: [Domain] Tillögur að breytingum á skráningarreglum .IS léna]
by Olafur Osvaldsson 16 Nov '04

16 Nov '04

Veigar, Þann 11. nóvember 2004, ritaði Veigar Freyr Jökulsson eitthvað á þessa leið: > Mér þykir til bóta að nú geti hýsingaraðili flutt lén á milli nafnaþjóna > án þess að fara með málið gegnum eiganda lénsins. > > Í vikunni var ég að flytja 5 lén fyrir kunningja minn á milli þjóna og > þetta er mikil handavinna og endurtekningar fyrir meira ein eitt tvö lén. > > Er einhver leið að bjóða uppá að gera DNS breytingu fyrir mörg lén í einu ? > T.d. að hægt væri velja mörg í einu úr vallistanum, eða á e-h annan > sjálfvirkan hátt. Þetta er eitthvað sem er á döfinni hjá okkur sem valmöguleiki fyrir skráða þjónustuaðila, en það krefst engra reglubreytinga og verður ekki byrjað að vinna í því fyrr en þessar tillögur hafa verið afgreiddar. /Óli > -------- Original Message -------- > Subject: [Domain] Tillögur að breytingum á skráningarreglum .IS léna > Date: Wed, 10 Nov 2004 15:52:56 +0000 > From: Marius Olafsson <marius(a)isgate.is> > To: domain(a)lists.isnic.is > > > Ágætu félagar, > > Vinsamlega segið álit ykkar á eftirfarandi tillögum til smávægilegra > breytinga á > skráningarferli og á skráningarreglum .IS léna. Þetta er aðallega til > einföldunar > og til að reyna að færa feril nær þörfum þeirra sem nota þetta kerfi í dag. > > Endilega látið í ykkur heyra -- bæði með og á móti. > > ---- > > 1. Tengiliður rétthafa þarf ekki að vera einstaklingur (þ.e. getur verið > "role object"). > > Krafa ISNIC um að þessi tengiliður sé einstaklingur er til > óþurftar, > og veldur ýmsum augljósum vandræðum. Nóg að krefjast að þetta > sé íslenskur > lögaðili (einstaklingur eða fyrirtæki). Athugið þó að þessu > fylgir ákveðinn > hætta fyrir rétthafa, vegna víðtækra möguleika tengiliðs > rétthafa (þ.e. þess > sem hefur lykilorð, eða aðgang að netfangi) til að breyta > léninu, þ.m.t > til að framselja það í hendur nýs rétthafa. > > 2. Rýmkaðar reglur um hvaða tengiliðir mega breyta upplýsingum um lén. > Tengilið vegna nafnaþjóna > verði leyft að breyta nafnaþjónum léns (þ.e. flytja lén). > > Þó þannig að einungis tengiliðir nafnaþjóna skráðra > þjónustuaðila megi flytja lén (breyta > nafnaþjónum). Upp koma m.a. dæmi þar sem gera þarf slíkar > breytingar þegar vistunaraðili > breytir eigin nafnaþjónum. > > 3. Rýmkaðar reglur um skráningu léna á erlenda rétthafa. Kröfur um > umboðsmenn léna í eigu > erlendra aðila verði felldar niður, og einungis gerð sú krafa að > tengiliður rétthafa > verði íslenskur lögaðili. Einnig verði erlendum aðilum gert kleyft > að skrá lén, án þess > að vísa í skráð vörumerki. > > Efasemdir eru uppi um hvort núverandi reglur fullnægi > jafnræðisreglu (vegna > aðildar okkar að Evrópska efnahagssvæðinu). ISNIC telur í raun > ekki lengur þörf > á slíkum takmörkunum, og óþarfi að mismuna aðilum á þennan hátt. > > 4. Skráðir vistunaraðilar geti tilkynnt ISNIC að þeir hafi hætt þjónustu > við lén, og > þar með farið fram á lokun þess. Þar með bætist við þriðja ástæða > lokunar léns. > > Hingað til hefur lénum sem vistunaraðilar hætta að þjóna verið > lokað vegna > "tæknilegra vankanta á uppsetningu", sem er villandi fyrir > rétthafa, þar sem > hin raunverulega ástæða er að vistunaraðili er hættur þjónustu > við lénið. > > 5 Frestur rétthafa léna, sem ekki er haldið við tæknilega, til að bæta > úr áður > en léni er lokað er breytt úr 14 dögum í 60. > > Breytt til samræmis við raunveruleika, þar sem 14 daga festur > reyndist allt of > stuttur. > > -- > Marius Olafsson > ISNIC ltd. http://www.isnic.is > Taeknigardi +354 525 4747 > Dunhaga 5 marius(a)isnic.is > Reykjavik ICELAND > > > _______________________________________________ > Domain mailing list > Domain(a)lists.isnic.is > http://lists.isnic.is/mailman/listinfo/domain -- Ólafur Osvaldsson Kerfisstjóri Internet á Íslandi hf. Sími: 525-5291 Email: oli(a)isnic.is

1 0

Re: [Domain] Tillögur að breytingum á skráningarreglum .IS léna
by Kristinn Soffanias Runarsson 11 Nov '04

11 Nov '04

Mér líst amk. vel á númer 2. On Wed, 2004-11-10 at 15:52 +0000, Marius Olafsson wrote: > Þó þannig að einungis tengiliðir nafnaþjóna skráðra > þjónustuaðila megi flytja lén (breyta > nafnaþjónum). Upp koma m.a. dæmi þar sem gera þarf slíkar > breytingar þegar vistunaraðili > breytir eigin nafnaþjónum. 4. og 5. finnst mér einnig töff (ps. ég kann greinilega ekki á póstlista Maríus :) -- Kristinn Soffanias Runarsson <soffi(a)tsc.is> TSC ehf.

1 0

Tillögur að breytingum á skráningarreglum .IS léna
by Marius Olafsson 10 Nov '04

10 Nov '04

Ágætu félagar, Vinsamlega segið álit ykkar á eftirfarandi tillögum til smávægilegra breytinga á skráningarferli og á skráningarreglum .IS léna. Þetta er aðallega til einföldunar og til að reyna að færa feril nær þörfum þeirra sem nota þetta kerfi í dag. Endilega látið í ykkur heyra -- bæði með og á móti. ---- 1. Tengiliður rétthafa þarf ekki að vera einstaklingur (þ.e. getur verið "role object"). Krafa ISNIC um að þessi tengiliður sé einstaklingur er til óþurftar, og veldur ýmsum augljósum vandræðum. Nóg að krefjast að þetta sé íslenskur lögaðili (einstaklingur eða fyrirtæki). Athugið þó að þessu fylgir ákveðinn hætta fyrir rétthafa, vegna víðtækra möguleika tengiliðs rétthafa (þ.e. þess sem hefur lykilorð, eða aðgang að netfangi) til að breyta léninu, þ.m.t til að framselja það í hendur nýs rétthafa. 2. Rýmkaðar reglur um hvaða tengiliðir mega breyta upplýsingum um lén. Tengilið vegna nafnaþjóna verði leyft að breyta nafnaþjónum léns (þ.e. flytja lén). Þó þannig að einungis tengiliðir nafnaþjóna skráðra þjónustuaðila megi flytja lén (breyta nafnaþjónum). Upp koma m.a. dæmi þar sem gera þarf slíkar breytingar þegar vistunaraðili breytir eigin nafnaþjónum. 3. Rýmkaðar reglur um skráningu léna á erlenda rétthafa. Kröfur um umboðsmenn léna í eigu erlendra aðila verði felldar niður, og einungis gerð sú krafa að tengiliður rétthafa verði íslenskur lögaðili. Einnig verði erlendum aðilum gert kleyft að skrá lén, án þess að vísa í skráð vörumerki. Efasemdir eru uppi um hvort núverandi reglur fullnægi jafnræðisreglu (vegna aðildar okkar að Evrópska efnahagssvæðinu). ISNIC telur í raun ekki lengur þörf á slíkum takmörkunum, og óþarfi að mismuna aðilum á þennan hátt. 4. Skráðir vistunaraðilar geti tilkynnt ISNIC að þeir hafi hætt þjónustu við lén, og þar með farið fram á lokun þess. Þar með bætist við þriðja ástæða lokunar léns. Hingað til hefur lénum sem vistunaraðilar hætta að þjóna verið lokað vegna "tæknilegra vankanta á uppsetningu", sem er villandi fyrir rétthafa, þar sem hin raunverulega ástæða er að vistunaraðili er hættur þjónustu við lénið. 5 Frestur rétthafa léna, sem ekki er haldið við tæknilega, til að bæta úr áður en léni er lokað er breytt úr 14 dögum í 60. Breytt til samræmis við raunveruleika, þar sem 14 daga festur reyndist allt of stuttur. -- Marius Olafsson ISNIC ltd. http://www.isnic.is Taeknigardi +354 525 4747 Dunhaga 5 marius(a)isnic.is Reykjavik ICELAND

1 0

Skráning léna með séríslenskum stöfum undir .is
by Marius Olafsson 30 Jun '04

30 Jun '04

Ágætu félagar. Bara að minna ykkur á morgun 1. júlí 2004 byrjar ISNIC að taka við skráningu lénnafna sem innihalda séríslenska stafi. Fram til 31. desember 2004 hafa aðilar sem þegar hafa skráð lén forgang á skráningu léna með séríslenska stafi samanber bráðabirgðaákvæði 14 í reglum um úthlutun .IS léna. Sjá <http://www.isnic.is/domain/rules.php#14.> Athuga ber að nöfn með séríslenska stafi hefur enn sem komið er *mjög takmörkuð* not. Ástæðan er sú að enn vantar stuðning við slík sértákn í almennan hugbúnað sem notendur nota við netsamskipti. Til dæmis er ekki hægt að nota séríslenska stafi í netföng og þar með erfiðleikum bundið að senda eða taka á móti tölvupósti ef séríslensk tákn koma fyrir í lénnafnshluta netfangs. Spurning um íslenska stafi í lénanöfnum sé næstum jafngömul skráningu .IS léna hér á landi en skráning hófst árið 1986. Ekki var unnt að skrá lén með séríslenska stafi í nöfnum þar sem staðla um það hvernig það skuli gert vantaði. Uppúr 1999 hófst vinna við slíka staðla á vegum IETF og lauk þeirri vinnu snemma árs 2003, með birtingu þriggja RFC staðla sem skilgreina hvernig tæknilega skuli staðið að þessari skráningu, RFC3090, RFC3091 og RFC3092. Sjá <http://ftp.rhnet.is/pub/rfc/rfc3490.txt> <http://ftp.rhnet.is/pub/rfc/rfc3491.txt> <http://ftp.rhnet.is/pub/rfc/rfc3492.txt> Sem dæmi um skráningu léns með séríslenska stafi í nafni, þá hefur verið skráð lénið 'ísnic.is' (sem í raun er skráð sem 'xn--snic-upa.is' í DNS). Menn geta prófað að fletta þvi upp til að sjá hvernig skráning þess lítur út, bæði í DNS og í rétthafaskrá ISNIC. Ef einhverjar spurningar vakna er um að gera að hafa samband við hostmaster(a)isnic.is -- Marius Olafsson ISNIC ltd. http://www.isnic.is Taeknigardi +354 525 4747 Dunhaga 5 marius(a)isnic.is Reykjavik ICELAND

1 0

Ný þjónusta til að athuga tilvist léna
by Olafur Osvaldsson 21 Apr '04

21 Apr '04

Sett hefur verið upp þjónusta á TCP porti 4343 á whois.isnic.is þar sem hægt er að athuga hvort lén sé þegar skráð. Þjónustan tekur við lénnafni einu og sér á línu og skilar niðurstöðu ef lénið er skráð eða tilkynningu ef það er ekki skráð. Fljótlega munum við svo setja upp aðgangstakmarkanir að whois.isnic.is porti 43 og uppflettingum á vefsvæði sem takmarka fjölda fyrirspurna á klst. en þær takmarkanir ná ekki yfir þessa nýju þjónustu. Ef einhverjar spurningar vakna er um að gera að hafa samband við hostmaster(a)isnic.is /Óli -- Ólafur Osvaldsson Kerfisstjóri Internet á Íslandi hf. Sími: 525-5291 Email: oli(a)isnic.is

1 0