- Domain - ISNIC

Læsing léna
by Marius Olafsson 24 Nov '10

24 Nov '10

Ágætu félagar, Þegar tveir deila um réttinn til ákveðins léns getur komið upp sú staða að yfirvöld þurfi að skera úr um hvor deiluaðila hafi meiri rétt. Þessi ferill tekur oft langan tíma, og því er nauðsynlegt að hægt sé að koma í veg fyrir að umdeilt lén sé umskráð á þriðja aðila meðan á kæruferli stendur. ISNIC hefur því komið upp möguleika á að læsa skráningarupplýsingum léns meðan á kæruferli stendur (e. registry-lock/dispute-lock). Sá sem fer fram á læsingu þarf að skila staðfestum upplýsingum um framlagða kæru áður en læsing er samþykkt. Við leggjum því til eftirfarandi viðbætur við skráningarreglur .is léna: ----------------------------------------------------------------------- Við 1. grein bætist skilgreining 1.1.17 Læst lén Upplýsingum um rétthafa og tengiliði léna sem merkt eru læst í rétthafaskrá ISNIC er ekki hægt að breyta á meðan á læsingu stendur. Við bætist ný 12. grein: 12. Læsing léna 12.1 Aðilar að ágreinismáli um lén sem þegar er skráð hjá ISNIC geta, að ákveðnum skilyrðum uppfylltum (sjá 12.4), farið fram á að ISNIC læsi skráningarupplýsingum léns sem deilt er um. Sá sem fer fram á læsingu er læsingarbeiðandi og sá sem sæta þarf læsingu er læsingarþoli. 12.2 Læst lén heldur tæknilegri virkni en hvorki er hægt að breyta upplýsingum um rétthafa þess né tengiliði. Mögulegt er að flytja læst lén milli vistunaraðila. 12.3 Læsingarbeiðandi skráir læsingabeiðni rafrænt hjá ISNIC og greiðir læsingargjald skv. gjaldskrá ISNIC hverju sinni. Samhliða slíkri beiðni þarf að leggja fram afrit af framlögðum kærugögnum til þartilbærs aðila (sjá 12.4). 12.4 ISNIC tekur til greina beiðni um læsingu léns, sé hún studd gögnum um framlagningu kæru fyrir a) íslenskum dómstólum b) neytendastofu c) úrskurðarnefnd ISNIC d) öðrum aðila, sem á hverjum tíma telst bær til að úrskurða í viðkomandi máli. 12.5 Læsing léns gildir í 6 mánuði, en fæst framlengd einu sinni til 6 mánaða án nýrrar umsóknar liggi þá fyrir gögn um að mál sé til meðferðar og að niðurstöðu sé að vænta innan 6 mánaða. Sé deila enn óleyst að tólf mánuðum liðnum þarf læsingarbeiðandi að sækja aftur um læsingu á léninu og leggja fram ný gögn sem sýna að deilan sé enn til formlegrar meðferðar hjá þartilbærum aðila. 12.6 Læst lén er umskráð á læsingabeiðanda ef a) læsingarþoli samþykkir að afskrá lénið, b) læsingarþoli verður ekki við úrskurði eða dómi um að afskrá lénið eða umskrá það á læsingarbeiðanda. 12.7 Lén sem skráð er á læsingarbeiðanda í framhaldi af dómi eða úrskurði, telst nýskráð frá þeim degi sem dómnum eða úrskurðinum er framfylgt hjá ISNIC. 12.8 Náist sættir milli aðila meðan á læsingu léns stendur, skráir læsingarbeiðandi það rafrænt hjá ISNIC og lýkur þar með læsingu þess sjálfkrafa. Læsingargjald er ekki endurgreitt. ---------------------------------------------------- Vinsamlega sendið athugasemdir/aðfinnslur/breytingar ef þið hafið einhverjar.... -- Marius Olafsson ISNIC ltd. http://www.isnic.is Hofdatuni 2 +354 525 4747 Reykjavik ICELAND marius(a)isnic.is

2 2

Breyting við áður boðaðar breytingar
by Jens Petur Jensen 17 Oct '08

17 Oct '08

Eins og kunnugt er þá samþykkti stjórn ISNIC í haust að aflétta skilyrði um innlendan tengilið rétthafa. Í tillögu að breytingu á reglu 2.3.1. var gert ráð fyrir að erlendir rétthafar léna yrðu að tilgreina skráðan umboðsmann eða þjónustuaðila hjá ISNIC sem tengilið rétthafa. Áður auglýstar breytingar reyndust því miður ekki framkvæmanlegar. Því eru hér gerðar smávægilegar breytingar á fyrri tillögu í þá veru að rétthafinn getur ávallt verið eigin tengiliður kjósi hann svo, rétt eins og innlendir rétthafar léna. Þótt breytingar á reglunum séu litlar þýða þær í raun að eftir standa allir jafnfætis gagnvart skráninum .is léna. Innlendum fyrirtækjum og einstaklingum með íslenska kennitölu verður þó, tæknilega séð, gert hærra undir höfði. Með tenginum ISNIC við Fyrirtækjaskrá og Þjóðskrá vottar ISNIC framvegis rafrænt skráningar .is léna. Þetta má þegar sjá með því að slá lénum íslenskra aðila upp í rétthafaskrá ISNIC (whois). ISNIC er mjög umhugað um réttmæti skráninga og áreiðanleika ISNIC gagnagrunnsins. Til þess að tryggja áframhaldandi mikinn trúverðugleika .is léna, sem byggist að verulegu leyti á því að upplýsingar um rétthafa séu réttar, þarf ISNIC heimildir til þess að loka lénum sem ekki fullnægja kröfum ISNIC um upplýsingar um rétthafa og tengiliði eins og áður kom fram. Lagt er til að breytingarnar taki eftir sem áður gildi 29. október 2008. Kveðja, Jens Pétur Jensen hagfr. framkvæmdastjóri Internet á Íslandi hf. (ISNIC) Tæknigarði, Dunhaga 7 107 Reykjavik.

1 0

Breyting á reglu 2.3.1. hjá ISNIC
by Jens Petur Jensen 17 Sep '08

17 Sep '08

Stjórn ISNIC samþykkti fyrir skömmu á opnum stjórnarfundi með starfsmönnum, að aflétta skilyrði um innlendan tengilið rétthafa fyrir sitt leyti. Um formbreytingu yrði að ræða á reglum ISNIC þar sem skilyrði um innlendan tengilið er afnumið í þeim tilfellum þar sem skráning fer fram í gegnum erlendan umboðsmann. Skilyrði um innlendan tengilið er því áfram í gildi ef um beina skráningu erlendra aðila er að ræða og jafnframt ef þeir skrá sig í gegnum innlendan umboðsaðila, þá er umboðsaðilinn eftir sem áður innlendi tengiliðurinn. Þessi nýja samþykkt er sem sagt opnun á farvegi fyrir erlend fyrirtæki og einstaklinga til að versla .is lén gegnum erlendan umboðsmann sem ISNIC væri fyrirfram búið að samþykkja og gera samning við. Regla 2.3.1 breytist skv. ofangreindu úr "Erlendur umsækjandi tilgreinir íslenskan umboðsmann sem tengilið rétthafa léns í skráningu sinni." í: "Erlendur umsækjandi skal tilgreina íslenskan, eða skráðan umboðsmann sem tengilið rétthafa léns." ISNIC er umhugað um að varðveita mikið traust og trúverðugleika .is rótarlénsins. Í þeim efnum skiptir áreiðanleiki Wohis grunnsins höfuðmáli. Samfara breytingunni mun ISNIC áskilja sér rétt til að hafna skráningum erlendis frá sem ekki uppfylla gæðakröfur ISNIC um fullnægjandi upplýsingar um rétthafann. Ástæða breytinganna er að gera erlendum aðilum sem vilja skrá .is lén kleift að eiga samskipti við þjónustuaðila á sínu svæði í stað þess að verða að tilgreina íslenskan tengilið. Eftir sem áður geta erlendir ríkisborgarar ekki skráð .is lén milliliðalaust. Gott væri að fá um þetta umræðu á Domain listanum. Í lokin má geta þess að banni við milliliðalausri skráningu erlendra aðila á sænska rótarléninu .se hefur verið aflétt með öllu, og löngu áður hafði sama breyting átt sér stað með .dk (danska) rótarlénið. Eftir stendur að .no (Noregur) leyfir ekki einstaklingum að skrá lén og .fi (Finnland) býr enn við mjög strangar reglur. ISNIC vill nútímavæða skráninguna án þess að láta af háum gæðakröfum nema síður sé. Kveðja, Jens Pétur Jensen hagfr. framkvæmdastjóri Internet á Íslandi hf. (ISNIC) Tæknigarði, Dunhaga 7 107 Reykjavik. Vefir: www.isnic.is, modernus.is og rix.is

1 0

Útfrá RIPE 56
by Bjorn Robertsson 19 May '08

19 May '08

Sæl öll, Eftir ráðstefnuna hjá RIPE (RIPE 56) vakna nokkrar spurningar sem vert er að leggja fyrir fólk. Álit ykkar skiptir máli! * Tillögur að IDN væða rótarlénið (þannig að hægt sé að slá t.d. www.intís.ís eða jafnvel www.intís.ísland í vafra og fá upp rétta heimasíðu. Þetta heitir TLD DNAME og væri varanleg breyting. Verkefnið er samt tilraunaverkefni og Japan hefur leitt verkefnið. * IPv6 - Núverandi uppsetning .is skráningar gerir ekki ráð fyrir IPv6 nafnaþjónum. Spurningin er kannski, ætlar einhver að innleiða IPv6 nafnaþjóna á næstu 12 mánuðum eða næstu 24 mánuðum? Kv, Björn Róbertsson Kerfisstjóri Internet á Íslandi

4 7

Réttar upplýsingar í rétthafaskrá ISNIC
by Marius Olafsson 09 Nov '07

09 Nov '07

Vegna niðurfellingar á kröfu um vörumerki erlendra rétthafa .is léna teljum við að skerpa þurfi á körfum ISNIC til upplýsinga um rétthafa léna og reyna þannig að koma í veg fyrir að áreiðanleiki lénaskráninga í rétthafaskrá ISNIC versni til muna. Þessar breytingar hafa í raun ekki áhrif á aðra en erlenda rétthafa og umboðsmenn þeirra... Hér er lagt til að þetta verði gert með tvennum hætti: (1) að áskilja ISNIC rétt til þess að loka lénum sem augljóslega hafa rangt/villandi skráðan rétthafa. Athugið að hér myndi einungis vera um heimild að ræða, ISNIC myndi ekki fylgjast með þessu fyrirfram (það er hlutverk umboðsmanna) heldur einungis skoða málið ef ábendingar berast. (2) að gera ríkari körfur til umboðsmanna erlendra rétthafa og krefjast þess að tengiliður rétthafa erlendra léna sé einn af skráðum umboðsmönnum, ekki bara einhver íslensk kennitala. Tillaga er því gerð um eftirfarandi breytingar á reglum um skráningu .is léna: "1.1.16. Upplýsingar í rétthafaskrá Rétthafi og tengiliðir bera ábyrgð á að réttar upplýsingar séu skráðar í rétthafaskrá ISNIC. ISNIC uppfærir nöfn íslenskra rétthafa og tengiliða samkvæmt þjóðskrá og fyrirtækjaskrá daglega. ISNIC áskilur sér rétt til að uppfæra heimilisföng hjá íslenskum rétthöfum og tengiliðum til samræmis við þjóðskrá eða fyrirtækjaskrá í þeim tilfellum þegar gögn send í bréfapósti eru endursend til ISNIC." Við þessa grein bætist "ISNIC áskilur sér rétt til að fara fram á lagfæringu á skráningu léns ef upplýsingar um rétthafa eru augljóslega rangar. Verði tengiliður rétthafa ekki við slíkri beiðni áskilur ISNIC sér rétt til að loka viðkomandi léni" 8. Brottfall léna þarna bætist við "8.7 Reynist upplýsingar um rétthafa léns augljóslega rangar getur ISNIC lokað léni viðkomandi. Hafi lén verið lokað í 60 daga hjá ISNIC er það afskráð og afmáð, réttur yfir léni fellur niður og lénið er laust til skráningar á ný. Vegna umboðsmanna eru gerðar eftirfarandi tillögur um breytingar. Þessar breytingar miða við að í samningi ISNIC við umboðsmenn verði kveðið á um skyldur þeirra gagnvart því að rétthafi sé skráður á fullnæjandi hátt. "1.1.9. Umboðsmaður Umboðsmaður er sá aðili sem kemur fram fyrir hönd erlends rétthafa. Umboðsmaður gerir sérstakan samning við ISNIC þar sem tilgreind eru réttindi og skyldur samningsaðila." Þessi grein verði "1.1.9. Umboðsmaður Umboðsmaður er sá aðili sem kemur fram fyrir hönd erlends rétthafa og hefur gert sérstakan samning við ISNIC þar sem tilgreind eru réttindi og skyldur samningsaðila." Við grein "2.3. Erlendir umsækjendur" bætist "2.3.1 Einungis umboðsmenn sem gert hafa samning við ISNIC geta verið tengiliðir rétthafa léna sem skráð eru á erlenda rétthafa." -- Marius Olafsson ISNIC ltd. http://www.isnic.is Taeknigardi +354 525 4747 Dunhaga 5 marius(a)isnic.is Reykjavik ICELAND

4 5

Tilkynningar um ný lén
by Olafur Osvaldsson 27 Sep '07

27 Sep '07

ISNIC mun innan tíðar hætta að senda tilkynningar um ný lén inn á domain umræðulistann. Þessar tilkynningar hafa hingað til verið sendar nokkrum dögum eftir að lén er skráð og eins og staðan er í dag þá eru þessar upplýsingar oft orðnar úreltar þegar tilkynningin er loksins send. Einnig hafa borist ítrekaðar kvartanir yfir því að við séum að tilkynna um þjónustu viðskiptavina sem eiga jafnvel að vera leyndarmál. Engar athugasemdir bárust er ISNIC vakti umræðu á þessu í ágúst. /Óli -- Olafur Osvaldsson Systems Administrator Internet a Islandi hf. Email: oli(a)isnic.is Tel: +354 525-5291

1 0

Væntanlegar breytingar á þjónustu ISNIC
by Olafur Osvaldsson 11 Sep '07

11 Sep '07

Eins og sumum ykkar er eflaust kunnugt þá skipti Internet á Íslandi hf. um eigendur í vor. Nýir eigendur og starfsmenn hafa hug á að gera nokkrar breytingar á þjónustu ISNIC, en viljum endilega heyra ykkar álit á þessum breytingum áður en endanlegar ákvarðanir eru teknar. Fyrsta breytingin sem við ætlum að ráðast í er upptaka á biðsvæði fyrir lén. Það hefur lengi staðið til að ISNIC bjóði rétthöfum að skrá lénið tímabundið á "biðsvæði" þar til menn hafa valið sér vistunaraðila. Í reglum ISNIC nr. 1.1.15. um Biðsvæði segir: "Biðsvæði merkir að rétthafi hafi skráð lén með tæknilegum formerkjum en hefur ekki aðgang að því að neinu leyti, svo sem tölvupóstaðgang eða uppsetningu á vef." Nauðsynlegar tæknilegar breytingar vegna þessa hafa verið framkvæmdar og nú leitum við eftir áliti netverja. Næsta breyting varðar breytingar á tæknilegum kröfum. (a) Áhugi er á að fella niður kröfu um aðgengi að "zone-transfer" til handa ISNIC á .is lénum. Þessi krafa hefur eitthvað takmarkað möguleika á að vista .is lén hjá einstaka erlendum vistunaraðila. Athugið að við niðurfellingu þessarar kröfu fást ekki lengur tölulegar upplýsingar um vélafjölda á "Netinu á Íslandi", sjá http://www.isnic.is/tolur/is-zone-stats.html (b) Kröfum um uppsetningu á MX færslum .is léna aflétt. (c) Hætta að krefja erlenda rétthafa um staðfestingu á vörumerkjaeign orðsins sem .is lénið byggir á. Verði þessi regla afnumin munu erlendir rétthafar geta skráð hvaða .is lén sem er. Athugið að þetta á einnig við um lénasafnara og eykur því líkur á misnotkun. Erlendir rétthafar munu samt eftir sem áður þurfa að vera með íslenskan tengilið rétthafa. 4. Hætt verði að senda út tilkynningar um skráningu nýrra léna. Það er ekki lengur réttlætanlegt að tilkynna um þetta fyrirfram, menn geta haft ýmsar ástæður fyrir því að skrá lén, án þess að það sé strax tilkynnt utan ISNIC. Ýmsar aðrar léttvægari breytingar eru á döfinni og verður tilkynnt um þær þegar þar að kemur. /Óli -- Olafur Osvaldsson Systems Administrator Internet a Islandi hf. Email: oli(a)isnic.is Tel: +354 525-5291

4 7

Biðsvæði fyrir lén tilbúið
by Jens Petur Jensen 21 Aug '07

21 Aug '07

Sælir og takk fyrir þátttökuna í umræðum um breytingar hjá ISNIC. Eins og menn vita urðu breytingar á stjórn og eignarhaldi Internets á Íslandi hf. sl. vor. Nýja stjórnin stendur nær fyrirtækinu en sú gamla og þess sjást nú merki. Hún ákvað á fyrsta fundi sínum að án tafar skyldi hefjast handa við innleiðingu á löngu tímabærum breytingum til einföldunar á skráningarferli lénsins .is og þar með bættri þjónustu hjá ISNIC. Breytingum sem starfsmenn og viðskiptamenn höfðu lengi mælst til að gerðar yrðu. Í raun var þetta aðalástæðan fyrir kaupunum á fyrirtækinu. Fyrsta skrefið af mörgum hefur nú verið stigið með upptöku á "Biðsvæði fyrir lén". Biðsvæðið er að mestu án takmarkana og engin tímamörk eru gefin upp um hversu lengi má geyma lén á biðsvæði. Reynslan verður látin ráða í þeim efnum. Um klukkustund eftir að biðsvæðið var virkjað á isnic.is hafði fyrsta léninu verið "parkerað" þar. Svo skemmtilega vill til að ID-númer lénsins er 20.000. Sjálfur var ég fyrstur til að prófa (þökk sé strákunum) og parkeraði léninu jensen.is en Guð má vita hvenær ég gef mér tíma til að setja upp eigin vef. Að biðsvæðinu vann Hafsteinn Baldvinsson forritari og Maríus Ólafsson netstjóri sá um DNS hlutann - að sjálfsögðu. Ólafur Ósvaldsson kerfissjóri hafði umsjón með breytingum og sá um prófanir. Viðskiptamenn eru beðnir að láta vita ef þeir verða varir við villur. Engin breyting var gerð að þessu sinni á öðrum þáttum lénaskráningarinnar en það styttist í fleiri nýjungar fyrir almenna notendur og einnig fyrir umboðsmenn. Kveðja, Jens Pétur Jensen framkvæmdastjóri Internet á Íslandi hf. isnic.is - modernus.is - rix.is

1 0

Íslenskir stafir í subject skeyta sem send voru á listann í dag
by Olafur Osvaldsson 01 Jul '05

01 Jul '05

Bilun kom upp í póstlistakerfi ISNIC sem orsakaði skrýtin subject á tölvupósti sem fór út á póstlistana í dag, búið er að laga þessa bilun og biðjumst við velvirðingar á þeim óþægindum sem þetta kann að hafa haft í för með sér. /Óli -- Ólafur Osvaldsson Kerfisstjóri Internet á Íslandi hf. Sími: 525-5291 Email: oli(a)isnic.is

1 0

Breyting ? gjaldskr? ISNIC
by Helgi Jonsson 01 Jul '05

01 Jul '05

Breyting á gjaldskrá ISNIC Stjórn ISNIC hefur samþykkt að hætta að innheimta opnunargjald vegna léna sem opnuð eru eftir lokun vegna greiðslufalls eða rangrar uppsetningar. Samþykktin tekur gildi 1. júlí 2005 -- Helgi Jonsson, framkvæmdastjóri (Manager) hjons(a)isnic.is Internet Iceland - ISNIC Taeknigardur phone +354-525-4950 Dunhagi 5 fax +354-561-0999 IS-107 Reykjavik Iceland homepage www.isnic.is

1 0