"Ain't broke, don't fix it"

Bjarni R. Einarsson bre at netverjar.is
Thu Sep 14 19:29:59 GMT 2000


On 2000-09-14, 17:08:33 (+0000), Marius Olafsson wrote:
> 
> Enda var það óþarfi þar sem því var úthlutað til einstaklingsins
> Bjarna Runars Einarssonar, á grundvelli greinagerðar um fyrirhugaða
> starfsemi fullkomlega í samræmi við úthlutunarreglur  þegar því var
> úthlutað. 

Afsakið ruglið í mér, ég las ekki nógu vandlega þegar ég fullyrti að
ég væri með óleyfilegt lén (hjúkk).  Ég hætti nefnilega að lesa þegar
ég var búinn að lesa "nafn umsækjanda, stytting nafnsins, skammstöfun
eða stílfæring nafns".  Ég asnaðist til að hoppa yfir rest
málsgreinarinnar, því ég nennti ekki að lesa um hvaða bókstafir væru
leyfilegir (þekki það nú þegar).

Það sem mér sást yfir var: "Lén má einnig vera heiti á vöru eða
þjónustu, sem umsækjandi sýnir fram á að hann veiti eða hyggist veita
í atvinnuskyni".

Semsagt, ef vefur sem lénið vísar á er þjónustan sem viðkomandi ætlar
að veita, þá geta menn skráð hvað sem er?  Nema það stangist á við
vörumerki?

En af hverju þarf það að vera í atvinnuskyni?  Vefurinn minn er
strangt til tekið ekki orðið atvinnutæki enn, þó ég hafi reyndar sýnt
fram á að hann gæti hugsanlega orðið það í framtíðinni.  Hvað hafa
menn á móti þjónustu á netinu sem er bara gefins?

Ég er reyndar ekkert hissa á sjálfum mér að hafa yfirsést þetta, því
það er ekki minnst á þennan möguleika í grein 1.3, og heldur ekki
minnst á hverskonar fjöldatakmarkanir gilda um svona lén.  Mér sýnist
reyndar alveg óskilgreint hvaða reglur gilda um lén sem eru heiti á
vöru eða þjónustu - er það ekki slæmt?

Ef ekkert af þessu er vandamál, og ég er bara svona tregur, þá vil ég
bera fram þessa tillögu:  laga reglurnar svo ég skilji þær!

:-)


Til hversu eru annars öll þessi "áhugamannafélög um xyz"?  Af hverju
sá íslenska útvarpsfélagið sig knúið til að stofna öll þessi lén með
þessum hætti?  Er þetta orðið óþarft í dag?  Ef ekki, væri ekki
sniðugt að gera þetta óþarft?

Það var þetta sem átti að vera meginpunkturinn hjá mér í síðasta
bréfi: að eitthvað í skilmlunum er (eða var) að neyða menn til að búa
til fullt af áhugamannafélögum um vefina sína.  Mér fannst það
asnalegt.  

Ég biðst afsökunar ef ég var að berja dauðan hund.  En ég efast um að
ég sé sá eini sem er ruglaður í þessu, þ.a. ég skammast mín ekki mjög
mikið... fínt að fá þessa hluti á hreint.

-- 
Bjarni R. Einarsson                           PGP: 02764305, B7A3AB89
 bre at netverjar.is               -><-            http://bre.klaki.net/

Netverjar gegn ruslpósti: http://www.netverjar.is/baratta/ruslpostur/




More information about the Domain mailing list