Re: [Abuse-l] Birting persónulegs tölvupósts án vitundar

Björn Davíðsson bjossi at snerpa.is
Mon Oct 3 11:11:04 UTC 2005


Sæll Jón Jósef.

Ef þú hefðir skoðað hverjum öðrum hefðu verið send samskiptin um leið og
þér barst kvörtunin hefðirðu séð:

> From: Olafur Osvaldsson [mailto:oli at isnic.is]
> Sent: 27. mars 2005 19:47
> To: abuse at islandssimi.is
> Cc: jonb at it-cons.com; abuse-l at lists.isnic.is; hostmaster at
> isnet.is Subject: (SPAM Tilkynning) nemendur.net

Hafandi séð að aðrir fengu afrit af póstinum, þ.m.t. kerfisstjórar hjá
Og Vodafone og þeir sem hafa skráð sig á lista yfir umræðu og kvartanir
vegna (meintra) ólöglegra tölvupóstsendinga þá hefði þér verið í lófa
lagið að fara fram á að samskiptin væru í trúnaði og ekki send öðrum.

Þú kaust hinsvegar að ónáða fjöldann allan af fólki með ruslpósti og
þeir sem t.d. vinna við að vernda notendur netveitna gegn honum hafa
eðlilega hagsmuni af því að vita af stöðu mála. Þess vegna senda þeir
hvorum öðrum afrit á opinberum póstlista og geta þ.a.l. brugðist við
aðstæðum, t.d. þegar sá sem sendir ruslpóst þykist ekki skilja lögin og
notkunarskilmála netveitu sinnar.

> Isnic birtir án þess að ég hafði um það hugmynd, persónulegan póst sem
> ég sendi þeim.
> Hér er dæmi:
> http://lists.isnic.is/pipermail/abuse-l/2005-March/000047.html
>
> Hvergi var þess getið, að þessar tölvupóstsendingar, sem sendar eru
> til einstaklinga hjá Isnic, yrðu birtar á netinu, ....

Þú sendir ekki einstaklingi hjá Isnic póst, heldur svaraðir þú
tölvupósti sem var greinilega merktur viðtakendum, þ.m.t. póstlistanum
abuse-l sem einnig er aðgegnilegur á vefnum.

Meðal viðtakenda var abuse-l at lists.isnic.is sem ekki er erfitt að sjá
að er póstlisti. Enda virðist sem þú hafir gert þér grein fyrir þessu
sem er væntanlega forsenda fyrir því að þú ert að senda þennan póst nú.

Hvergi í póstinum sem þú sendir tekur þú fram að um persónulegan póst sé
að ræða og/eða beri að skoða hann sem trúnaðarmál sem hefði verið
eðlilegt ef þú vildir forðast að afrit af svari væri sent á póstlistann.

Í þessum pósti sem þú sendir Persónuvernd, tekur þú ekki fram að hann sé
einnig til birtingar á netinu, sbr. þennan link:
http://lists.isnic.is/pipermail/abuse-l/2005-September/000050.html


> _______________________________________________
> Abuse-l mailing list
> Abuse-l at lists.isnic.is
> http://lists.isnic.is/mailman/listinfo/abuse-l


--
=-=-=-=-=-=-=-=-=-=-=-=-=-=-=-=-=-=-=-==-=-=-=-=
Björn Davíðsson
Snerpa ISP - Isafjordur, Iceland.  Tel: 520-4000
bjossi at snerpa.is - www.snerpa.is - GSM: 840-4008
Linux user # 18150 - counter.li.org






More information about the Abuse-l mailing list