Sælir,

Nei nei, þú ert ekkert að ryðjast inn með leiðinlega spurningu að mínu mati, ég segi bara að loksins komi þetta inn á listann :)

Áður en ég byrja, þá ætla ég að nefna að ég vinn ekki hjá Símanum né neinni annarri internetþjónustu, en hef hins vegar mikinn áhuga á þessu máli, því að samband fyrirtækja við RIX hefur áhrif á alla sem notfæra sér bandvíddina.

Þessi samningur sem þú ræðir um hefur þann RISASTÓRA galla að bæta inn "sé þess kostur" inn í samninginn og neyðir því ekki neinn aðila sem tengist RIX að uppfæra tenginguna sína ef meðalálagið fer yfir sett mörk og getur þá Síminn bara einfaldlega setið á sínum stóra feita nískurassi og komist hjá því að stækka. Þar sem ég vinn ekki hjá þeim, þá hef ég engar innanbúðar upplýsingar um hvað er að gerast þarna og hvort að þeir séu í raun að gera eitthvað í þessu eða ekki. En ef þeir eru að gera eitthvað í þessu, þá finnst mér að minnsta kosti að þeir láti fólk vita að þeir eru að gera eitthvað í þessu, til þess hafa þeir jú líka fréttahluta á vefnum sínum.

Álit mitt er að stjórnendur RIX ættu að fara yfir reglurnar sínar og gera þær strangari varðandi þetta málefni, því að síst af öllu vill maður fá pakkatap þegar internetumferð manns liggur til eða frá einhverjum stað. Reglurnar eru heldur ekki skýrar um hvernig mælt skuli meðalálag, hvort það sé nóg að eingöngu umferðin til eða frá sé yfir settum mörkum, eða tölunum blandað saman og síðan reiknað meðalálag.

Þetta mál gerir mig bara glaðan við að vera hjá Línu.Net, þeir uppfærðu mjög fljótlega eftir að þeir sáu að notkunin var næstum að fylla RIX tenginguna og biðu ekki í heilan mánuð með það eins og fyrirtæki sem byrjar á S og endar á íminn er að gera og sýnist ekkert vera að gera í þessu enn þá.

Bara til að bæta við, þá er Isnic líka með 1 Gb/s samband við RIX :P

Með kveðju, Svavar Lúthersson (svavarl@stuff.is)

On Sat, 22 Nov 2003 13:41:33 -0000 "Snorri Beck" snorri@remax.is wrote:

Hæ hæ.

Afsakið að ég skuli ryðjast svona inn á listann með leiðinlegar spurningar :)

Nokkur umræða hefur verið um tengingu Símnets við RIX. Hefur hún aðallega fjallað um álag á 100 Mbit sambandi Símnets við RIX sem hefur skv. mælingum oft farið yfir 90% (sjá http://www.barbietec.com/ og http://1337.is/simnet-rix/).

Sagt hefur verið að þetta sé brot á samningum (http://www.rix.is/connect-agreement.html) og þá vísað í setninguna "Fari 30 daga meðalálag á RIX sambandi aðila yfir 65% af burðargetu, skal aðili, sé þess kostur, uppfæra tengingu sína við RIX innan mánaðar". Ef skoðaðar eru mælingar á álagi tengingar Símnets (http://www-m.isnic.is/status/rix/simnet/simnet.html) kemur í ljós að meðalálag frá er 30% og til er 80% síðustu 30 daga. Nú er það reyndar spurning hvort að þetta í sé í raun brot á samningi (t.d. ef tekið er meðaltal af þessum tölum þá er það 55%).

Ég fylgst með fólki velta þessu fyrir sér og kasta fram staðhæfingum um hluti sem það er ekki í aðstöðu til að vita nokkuð um með vissu í nokkurn tíma - og er í raun hissa að hafa ekki heyrt neitt markvert um málið.

Mig langar því að varpa fram nokkrum spurningum - enda veit ég að á þessum lista eru bæði aðilar sem geta svarað fyrir hönd RIX og Símnets.

• Er samningurinn rofinn?
• Er þetta vandamál yfir höfuð?
• Ef þetta er vandamál - stendur það til bóta?
• Er ekki bara nokkuð gott að ná 98.4% álagi á 100Mbit Ethernet tengingu?
• Er eitthvað til í samsæriskenningunni um að innanlands traffík sé ekki í forgangi vegna þess að erlend sé betri tekjulind?

Að lokum langar mig að benda á að skv. mælisíðunni virðast bæði Lina.net og Íslandssími nú þegar hafa 1 Gb/s samband við RIX - en "stærsti internet þjónustuaðilinn" er með sömu tengingu og ég fæ úr litla ADSL módeminu mínu.. ;)

Kveðja,

...

S

p.s. Hvað er langt í að öll heimili á Íslandi verði tengd með 100 Mbit? (http://slashdot.org/article.pl?sid=03/11/19/0029226&mode=thread&tid=... =95)

---

Gurus mailing list Gurus@lists.isnic.is http://lists.isnic.is/mailman/listinfo/gurus

• Er samningurinn rofinn?

Nei.

• Er þetta vandamál yfir höfuð?

Varla, nema fyrir Linu.net, Síminn Internet er með mun stærri tengingu við OGF sem er ódýrara heldur en að tengjast Rix. Það að tengjast RIX er því miður ekki hagkvæmt fyrir hvorki Símann né OGF.

• Ef þetta er vandamál - stendur það til bóta?

Já, það er búið að panta allt sem þarf. Beðið eftir afhendingu.

• Er ekki bara nokkuð gott að ná 98.4% álagi á 100Mbit Ethernet tengingu?

Þetta er örugglega spurnin um nákvæmni í mælingum en verður að teljast gott.

• Er eitthvað til í samsæriskenningunni um að innanlands traffík sé ekki

í

forgangi vegna þess að erlend sé betri tekjulind?

Ekki svo ég viti. Flestir ISPar eru með Tucows og Akamai spegla og fleiri þjónustur (t.d. Háhraða svæðið á hugi.is) til að spara viðskiptavinum að þurfa að downloada erlendis frá. Flestir miða við að mán.gj. standi undir ölllum rekstri nema erlendri bandvídd, að notendur greiði sérstaklega fyrir það, bæði innifalið og umframmagn.

Að lokum langar mig að benda á að skv. mælisíðunni virðast bæði Lina.net

og

Íslandssími nú þegar hafa 1 Gb/s samband við RIX - en "stærsti internet þjónustuaðilinn" er með sömu tengingu og ég fæ úr litla ADSL módeminu

mínu..

;)

Síminn og OGF peera sín á milli á 1 Gb sambandi, en rosalega ert þú með "sterkt" ADSL módem?

mbk, -GSH