Bara smá ábending...
Reglurnar eins og þær eru í dag eru gallaðar. Það sést best á því hversu oft ISnet hafa sjálfir beygt þær og úthlutað mönnum lén sem stangast á við þau. Það sést líka á því hvað er búið að stofna mörg svokölluð "áhugamannafélög" til þess eins að geta skráð lén.
Eina .is lénið mitt (molar.is) er ekki í samræmi við skilyrði 1.2 á http://www.isnet.is/is/dom-skraning.html. Ég sá ekki ástæðu til að stofna "áhugamannafélag um lénið molar.is", og IntÍs skildu það alveg.
Er "Linux á Íslandi" með kennitölu? En freebsd.is? En frettir.is?
Til eru fleiri dæmi.
Ég ætla að láta það vera að gagnrýna ISnet fyrir að hafa beygt reglurnar aðeins - það var augljóslega góð ástæða fyrir að lénunum var úthlutað. Ég fagna því að þeir séu að íhuga að breyta reglunum þ.a. þær séu í betra samræmi við hvernig íslendingar vilja augljóslega nota ".is" lénið sitt.
Svo er eitt sem ég skil ekki. Af hverju vilja svona margir leyfa fyrirtækjum að skrá fleiri lén en einstaklingum? Ef einstaklingur er nægilega sérvitur til að eyða fleiri tugum þúsunda í að skrá mörg lén þá skil ég ekki af hverju það á að banna honum það frekar en e-u fyrirtæki.