On Wed, 05 Jul 2000, Leifur A. Haraldsson wrote:
Mig langar að fá álit ykkar á því að hvert fyrirtæki megi einungis vera með eitt lén skráð á sig nema viðkomandi fyrirtæki skrái vörumerki fyrir nýju léni? Að mínu mati finnst mér að hér sé verið að hefta útbreiðslu internets
Þegar reglurnar varðandi umsóknir byggðar á vörumerki voru settar þá var ekki ætlunin að það endaði í þeirri stöðu sem það er í núna, upphaflega var ætlunin að fólk gæti fengið skráð lén sem væru í samræmi við þau vörumerki sem þau ættu þegar skráð eða væru að skrá undir réttum formerkjum og í þeim tilfellum væri nóg að leggja fram staðfesta umsókn frá einkaleyfastofu. Þetta var gert til að reyna að stoppa það flæði áhugamannafélaga sem voru að sækja um lén, enda voru flest þau félög sem sóttu um lén að brjóta lög enda var engin starfsemi í þessum félögum, þau voru/eru bara stofnuð til að skrá lén. Ég er ekki lögfróður en mér er tjáð að bakvið öll skráð áhugamannafélög verði að vera einhver starfsemi, en þessu hefur ekki verið framfylgt af Hagstofu.
Íslendingar eru aftur á móti svo duglegir við að koma sér framhjá öllum reglum að þeir voru fljótir að færa sig frá áhugamannafélugunum yfir í það að skrá vörumerki þar sem það var oftast auðveldara.
á íslandi. Ef við skoðum þróunina úti í bandaríkjunum þá eru fyrirtæki oft með sér lén fyrir vörur sínar eða þjónustu og nóta gríðarlega míkið lén sem auglýsinga og markaðstól. Skoðum dæmi um skráningu léna með .is endingu og með .com
Hér er algengur misskilningur á ferð það er ekki hægt að bera saman ccTLD og gTLD, hér ætti frekar að vera samanburður á t.d. .no og .is eða kannski .us þar sem reglurnar í USA eru töluvert meira takmarkandi en hér heima.
DÆMI 2 Ef sami aðili mundi vilja gera þetta með .com t.d. þá hefði hann þurft að hringja eitt símtal til þjónustuaðila t.d. landsímann eða íslandssima og lista út hvaða lén hann vildi fá og síðan yrði honum bara sendur reikningur.
Skráningargjald - .com 25.550 Undirbúningstími = 5 min
25.550 kr.
Það er enginn að stoppa fólk í að skrá .com lén, það er öllum það frjálst. Ef gera á samanburð á gjaldskrá INTÍS og þeirra sem skrá .com lén þá er það illmögulegt þar sem .is lén eru ekki nema um ~3000 en .com, .net og .org lén eru nokkrar milljónir þetta er allt spurning um að reksturinn standi undir sér.
Er þetta ekki fráhrindandi fyrir þá sem vilja nýta internetið, heftandi fyrir þróun internetsins? Peningarnir skipta ekki öllu máli heldur líka flækjustigið sem fylgir þessu og tímin fyrir viðskiptavini intís.
Flækjustigið hjá þeim sem skrá lén er sjaldnast reglurnar eða leiðir framhjá þeim, það sem flækist fyrir flestum er tæknileg uppsetning lénanna.
Undanskilið er í þessu dæmi kostnaður við að skrá og hýsa lénin hjá internetþjónustufyrirtæki. Látum þetta duga í bili. Hvað finnst ykkur um þetta? Til hvers að hafa forsendu að fyrirtæki eða einstaklingar verða að hafa skráð vörumerki? Svo ekki sé minnst á það að vörumerkið verður að vera fullnægjandi að kröfum intís. Endilega lýsið skoðanir ykkar á þessu.
Hvað viltu sjá í staðinn fyrir núverandi reglur? Eða finnst þér að það ætti að afnema þær algerlega?
p.s. það má benda á það að hægt er að safna kennitölum starfsmanna og vina og skrá á þau lén, en þá eiga þau nátturulega lénin, en það er samt orðið nokkuð um það að svo sé gert.
Ef einhver skráir lén þá er það sá sem er skráður handhafi lénsins sem stjórnar því, ef fyrirtæki skráir lén á starfsmann þá á það á hættu að starfsmaðurinn taki lénið með sér eða krefjist greiðslu fyrir það fari hann í fýlu.
Ef allar reglur yrðu afnumdar eins og mér sýnist vera þín skoðun að ætti að gera þá verða fleiri óánægðir en hitt þar sem það opnar fyrir misnotkun og fólk mun hópast að til að skrá hin og þessi lén með dollaramerki í augunum og plön um fljóta sölu á lénum.
Þetta er því miður að gerast í dag, eins og við báðir vitum þá eru aðilar búnir og eru ennþá að skrá lén í nafni áhugamannafélaga þar sem er áberandi verið að taka lén sem ættu að vera skráð á aðra, t.d. lén sem byrjar á nafni heimsþekktar vöru svosem bílategundar, í flestum tilfellum er ætlunin að selja eða semja við eiganda vörunnar um afnot eða umskráningu á léninu.
Þetta þarf að mínu áliti að reyna að stoppa en þá kemur upp spurningin hvort þessir aðilar finni sér ekki bara alltaf leið framhjá settum reglum.
Óli