Sæll.
Hvort sem þú telur þig hafa gert eitthvað ólöglegt eða ekki skiptir ekki máli, og hvort lögin eru skýr varðandi þetta skiptir heldur ekki máli.
Það sem skiptir máli er að ef ég tel póst frá þér brjóta í bága við notendaskilmála mína og/eða lög þá er ég í fullum rétti til að hafna honum og engin lög sem banna mér það, einnig tel ég þetta vera komið gott af póstsamskiptum varðandi þetta í bili og við verðum bara að vera sammála um að verða ósammála.
-- Ísak Ben, Kerfisstjóri, http://www.snerpa.is
Sæll aftur.
Það var nú aldrei meiningin að standa í deilum við neinn. Það er ekkert gott fyrir mig að fá ispa upp á móti mér.
En þar sem ég tel mig ekki hafa gert neitt óleyfilegt (eftir að hafa ráðfært mig við sérfræðinga) ætla ég að svara þér.
Lögin eru hreint ekkert skýr varðandi tölvupóst og mætti örugglega gera þau skýrari.
En þótt ég gefi þér að það sé sennilega ekki leyfilegt að bjóða vöru/þjónustu til sölu með tölvupósti (sem ég er hreint ekki sannfærður um) gilda lögin aðeins um sölu.
Og ég er ekki að bjóða neitt til sölu.
Kveðja
Þorsteinn
Es. Og ég verð mjög hissa ef ég frétti að þú hafir stoppað póst frá mér. Það er ekki á valdi ispa að stoppa póst. Það er ólöglegt. Það hef ég beint frá yfirvöldum.
-----Original Message----- From: Ísak Ben. [mailto:isak@snerpa.is] Sent: 3. febrúar 2004 10:11 To: galleri Subject: RE: Ný þjónusta: Netgallerí!
Sæll.
Jæja þá er best að ég leiðrétti þig tilbaka.
http://www.althingi.is/lagas/129/2000046.html Sjá t.d 14. grein.
Og hér er þetta svart á hvítu
http://www.althingi.is/lagas/129/2003081.html 46. grein.
--snip-- 46. gr. Óumbeðin fjarskipti. Notkun sjálfvirkra uppkallskerfa, símbréfa eða tölvupósts fyrir beina markaðssetningu er einungis heimil þegar áskrifandi hefur veitt samþykki sitt fyrir fram. Þrátt fyrir ákvæði 1. mgr. er heimilt að nota tölvupóstfang við sölu á vörum eða þjónustu fyrir beina markaðssetningu á eigin vörum eða þjónustu ef viðskiptavinum er gefinn kostur á að andmæla slíkri notkun tölvupóstfanga þeim að kostnaðarlausu þegar skráning á sér stað og sömuleiðis í hvert sinn sem skilaboð eru send hafi viðskiptavinurinn ekki þegar í upphafi hafnað slíkri notkun. Að öðru leyti en mælt er fyrir í 1. og 2. mgr. eru óumbeðin fjarskipti í formi beinnar markaðssetningar óheimil til þeirra áskrifenda sem óska ekki eftir að taka á móti þeim. Óheimilt er að senda tölvupóst sem þátt í beinni markaðssetningu þar sem nafn og heimilisfang þess sem stendur að markaðssetningu kemur ekki skýrt fram. --snip--
Svokallaður "opt out" póstur er semsagt ruslpóstur líka. Taktu eftir orðalaginu
"Þrátt fyrir ákvæði 1. mgr. er heimilt að nota tölvupóstfang við sölu á vörum eða þjónustu fyrir beina markaðssetningu á eigin vörum eða þjónustu ef "viðskiptavinum" er gefinn kostur á að andmæla slíkri notkun tölvupóstfanga þeim að kostnaðarlausu þegar "skráning" á sér stað og sömuleiðis í hvert sinn sem skilaboð eru send hafi viðskiptavinurinn ekki þegar í upphafi hafnað slíkri notkun."
Þarna er verið að tala um "viðskiptavini" sem hafa "skráð" sig á lista hjá þér.
Þú þarf ekki að vera hissa ef ég loka fyrir allann póst frá galleri.is ef þetta endurtekur sig.
-- Ísak Ben, Kerfisstjóri, http://www.snerpa.is
Sæll.
Smá leiðrétting þar sem þú hefur augljóslega misskilið eitthvað.
Þetta sem ég sendi út er ekki ruslpóstur.
Almenna skilgreiningin á ruslpósti er póstur sem ekki er hægt að svara eða andmæla.
Minn póstur er sendur út undir nafni og er í alla staði löglegur.
Hver sá sem vill ekki fá frá mér póst hefur tækifæri til að andmæla og undanbiðja sig pósti frá mér í framtíðinni. Og það er lykilatriðið.
Hér er því um að ræða beina markaðssetningu til kynningar á nýrri
þjónustu.
Kynningaraðferð sem er leyfileg samkvæmt fjarskiptalögum.
Ég er satt að segja svolítið hissa á því að þú sem netstjóri skulir ekki vita muninn á löglegri markaðskynningu og ólöglegri markaðskynningu. Sérstaklega þar sem þú hótar því að áframsenda ekki fullt löglegan póst frá mér til minna viðtakenda.
Kveðja
Þorsteinn
-----Original Message----- From: Ísak Ben. [mailto:isak@snerpa.is] Sent: 2. febrúar 2004 00:02 To: Galleri.is Subject: Re: Ný þjónusta: Netgallerí!
Sæl(l).
Ég veit ekki hvort þú gerir þér grein fyrir því að svona tölvupóstur kallast "spam" eða "óumbeðinn ruslpóstur" á íslensku, ef ég verð var við meira af þessu þá mun ég loka á allar póstsendingar frá galleri.isgegnum póstþjóna
mína.
-- Ísak Ben, Kerfisstjóri, http://www.snerpa.is
Hefur þú verið að hugsa um að fara á netið?
Það er einfaldara en þú heldur að stofna eigið netgallerí.
Stofnaðu eigið gallerí á www.galleri.is og prófaðu frítt í tvo mánuði. Engar skuldbindingar.
Það sem þú þarft að gera er að slá inn slóðina www.galleri.is/umsokn og
fylla í.
Þú færð síðan allar upplýsingar í tölvupósti frá okkur um hvernig þú getur sett inn vörur og breytt og bætt við upplýsingum.
Á nokkrum mínútum ert þú búinn að koma þínum verkum á netið.
Einfaldara getur það ekki verið.
Hvað vinnst með því að vera með eigið netgallerí?
Þegar þú auglýsir þarft þú bara að gefa upp einfalda slóð sem er létt að muna. Þá geta allir sem hafa aðgang að netinu séð hvað þú hefur upp á að bjóða.
Á einfaldan hátt getur þú sett inn tilboð og kynningar þegar þér hentar.
Þú gerir breytingar þegar þér hentar.
Munið að enginn heimsækir vefi sem ekki er haldið við.
Það er mjög einfalt að halda við upplýsingum á Galleri.is og halda vefnum
lifandi.
Heimsækið www.galleri.is og skoðið hvað það hefur upp á að bjóða.
Kveðja
Þorsteinn Bergmann Einarsson Gsm: 897-3319
ps: Skoðið dæmigerðan bás. Slóðin erw www.galleri.is/171.